विद्यार्थी बेहोस हुँदा एक महिनादेखि पढाई प्रभावित विद्यालयमा हप्ता हप्तामा धामिझाँक्रि

सुर्खेत, पुस २६ ।यहाँको जिल्लाको लेखगाउँ गाविसमा रहेको एक विद्यालयमा गएको डेढ महिना अघिदेखि छात्राहरुमा एक्कासी बेहोस हुने समस्या देखिदा पढाई प्रभावित भएको छ ।

छात्राहरु एक्कासी बेहोस हुने समस्या देखिन थालेपछि विद्यालय नै बन्द गनुपर्ने अबस्था सिर्जना भएको हो । सुर्खेतको पश्चिमी क्षेत्रमा रहेको लेखगाउँ गाविस स्थित नेपाल राष्ट्रिय माध्यामिक विद्यालयका छात्राहरु एक्कासी डेढ महिनादेखि छात्राहरुमा काम्ने र बेहोस हुने समस्या देखिएपछि लगातार त्यहि समस्या दोहोरिन थालेपछि पढाई प्रभावित भएको विद्यालयका प्रध्यानाध्यापक कृष्णप्रसाद शर्माले जानकारी दिए ।

छात्राहरु बेहोस भएर जथाभावि हिड्दा अवस्था गम्भीर बन्दै गएको प्राध्यानाध्यापक शर्माले बताए । प्राध्यानाध्यापक शर्माका अनुसार बेहोस भएका छात्राहरु बेहोर अवस्था मै दौडिएर जंगलतिर लाग्ने गरेका छन् । एक हप्ता अगाडिदेखि नै विद्यालयमा यो समस्या दोहोरिएको र एक÷दुई दिन केही रोकिएपनि पुनः मंगलबार समस्या दोहोरिएको छ । दुई दिन मुख्य विरामी छात्रा विद्यालय नआउँदा समस्या नआएको र उनीहरु विद्यालय आउँदा पुनः समस्या आएको शर्माले बताए । मंगलबार त छात्राहरु काम्दै जंगलतिर हिडेको उनको भनाइृ छ ।

पाँच वर्ष अगाडि पनि विद्यालयमा यही समस्या देखिएको स्थानीय अभिभावकहरुको बताउँछन् । त्यतिवेला सोही समस्या समाधानका लागि अस्पतालबाट हुने उपचार गरिएपनि त्यतिवेला समाधान नभएको स्थानीयको भनाई छ । त्यतिवेलै उपचार नै नभएपछि विद्यालयमा धामिझाँक्रि गरिएको थियो । छात्राहरुले नै पुजाआजा गरेपछि आफूहरुको समस्या समाधान हुने बताएपछि सोही अनुसार त्यतिवेला पुजा गरिएको प्राध्यानाध्यापक शर्माले बताए ।

अहिले पनि विद्यार्थीहरुमा सोही समस्या देखिएपछि धामिझाँक्रि गरिएको प्राध्यानाध्यापक शर्माले बताए । धामिझाँक्रि गर्दा छात्राहरुलाई केही ठिक भएको र उनीहरुले पुजाआज गरेपछि ठिक हुने बताउने गरेकाछन् । बिरामी भएको अवस्थामा पनि छात्राहरुले आफूहरु झाँक्रि लगायतका देउता भएको भन्दै पुजा गर्नुपर्ने बताउने गरेकाछन् । ‘‘छात्राहरुले काम्दै आफूहरु झाँक्रि लगायतका विभिन्न देउताका नाम लिन्छन,’ प्राध्यानाध्यापक शर्माले भने–‘त्यस्तै भन्दै छात्राहरु जंगलतिर दौडिन्छन, हामीले धामिझाँक्रि पनि ग¥यौं । विद्यालयमा गत शुक्रबार धामि बसालिएको थियो ।

ब पुनः शनिबार छात्राहरुले भनेअनुसार पुजाआजा गर्ने तयारी गरिएको छ । अभिभावकहरुले पनि अब पुजाआजा गर्ने बताएकाछन् । यस अघि पनि पुजाआजा गर्दा नै समस्या समाधान भएको थियो । छात्राहरुलाई घरमा केही नहुने र विद्यालयमा आउँदा यो समस्या देखिने गरेको छ । पुजाआज गरेपछि पनि समस्या समाधान नभए अन्य उपाय पनि खोजिने प्राध्यानाध्यापक शर्माको भनाई छ ।