६१ औं प्रहरी दिवस ‘प्रहरी असल हिरो’
सुर्खेत, असोज २१ ।
मध्यपश्चिमाञ्चल क्षेत्रीय प्रहरी कार्यालय सुर्खेतले ६१ औं प्रहरी दिवस मनाएको छ । हरेक वर्ष जस्तै यो वर्ष पनि क्षेत्रीय प्रहरी कार्यालय सुर्खेतले अमर प्रहरीका परिवार र पूर्व प्रहरीहरुसंग पुनर्मिलन कार्यक्रमसहित दिवस मनाएको छ ।
दिवसका अवसरमा आयोजना गरिएको कार्यक्रममा प्रमुख अतिथी मध्यपश्चिम क्षेत्रीय प्रशासक कृष्ण प्रसाद देवकोटाले प्रहरीलाई ‘असल हिरो’ को उपनामले सम्बोधन गरे ।
देशको असल हिरो प्रहरी भएको भन्दै उनले प्रहरीका सन्ततिहरु प्नि देशका असल हिरो हुने विश्वास व्यक्त गरे । ‘‘खास असल हिरो भनेको नेपाल प्रहरी हो’ उलने भने–‘प्रहरीका सन्ततीहरु पनि देशका असल हिरो बन्नेछन ।’’
यसै सन्दर्भमा उनले प्रहरीले एक्लै शान्ति सुरक्षा कायम गरिरहेको भन्दै अब सबैले साथ दिनुपर्नेमा पनि जोड दिएका छन् ।
प्रहरी जहिले पनि दोहोरो भूमिकामा रहने हुँदा नागरिकहरुले पनि प्रहरीको बाध्यता बुझ्नुपर्ने तर्फ इकिंत गर्दै क्षेत्रीय प्रशासक देवकोटाले बल प्रयोगको अवस्था नै नआउने वातावरणको सिर्जन ागर्नुपर्ने बताए ।
मध्यपश्चिमाञ्चल क्षेत्रीय प्रहरी कार्यालय सुर्खेतका प्रमुख प्रहरी नायव महानिरीक्षक (डिआइजी) माधव नेपालले अनुसन्धान प्रविधी नहुँदा अपेक्षाकृत रुपमा सफलता प्राप्त गर्न नसकेको बताए ।
प्रविधी विना जति सकिन्छ त्यो आफूहरुले गरेको भन्दै उनले जटिल घटनाको अनुसन्धानका लागि आवश्यक पर्ने प्रविधिी क्षेत्र मै नहुँदा अनुसन्धान ढिलो हुने गरेको उनको भनाई छ ।
‘‘हामीले शान्ति सुरक्षाका लागि दिनरात नभनी खटिएकै छौं,’ उनले भने–‘तर अनुसन्धानका लागि प्रविधी नहुँदा अपेक्षाकृत सफलता प्राप्त गर्न सकिन भएको छ ।’’
उनले शान्ति सुरक्षा कायम गर्नका लागि नेपाल प्रहरीको विकल्प नभएको भन्दै नेपाल प्रहरीको समृद्धिको लागि सरकारले ध्यान पु¥याउनुपर्ने बताए ।
अहिले पनि केही स्वार्थ समूहले प्रहरीलाई दुरुपयोग गर्ने गरेको तर्फ संकेत गर्दै उनले प्रहरी शान्ति सुरक्षाका लागि सधै कट्टीबद्ध रहेको बताए ।
उनले शान्ति सुरक्षा र अमनचयन पछि मात्रै विकास हुने भन्दै शानित सुरक्षाका लागि प्रहरीलाई सघाउन आग्रह गरे ।
कार्यक्रममा अमर प्रहरीका परिवारका तर्फबाट बोल्दै नन्दा श्रेष्ठले कर्तव्य पालना गर्दा गर्दै ज्याना गुमाएका अमर प्रहरीका आफन्तहरुलाई सरकारले नै पटकपटक पीडा दिने गरेको बताइन ।
सरकारले नै बेलावेला पीडाहरु पुनरताजकी बनाइदिने गरेको भन्दै ती पुराना यादहरुले सपनाका महलहरु पनि भत्काइदिने उनले बताइन ।
कार्यक्रममा पूर्व प्रहरी कर्मचारीका तर्फबाट गणेशबहादुर केसीले पनि आफ्नो भनाइ राखेका थिए ।
प्रहरी दिवसकै अवसरमा क्षेत्रीय प्रहरी कार्यालय सुर्खेतले अमर प्रहरीका सन्ततीहरुलाई नगद पाँच हजारका दरले छात्रबृत्ती पनि वितरण गरेको छ ।
यस्तै दिवसका अवसरमा आयोजना गरिएको विभिन्न प्रतियोगितामा उत्कृष्ट हुने प्रहरी अधिकृत तथा जवानहरुलाई पुरस्कार वितरण गरिएको थियो ।
साथै प्रहरी कार्यालय स्थापनाका लागि जग्गा दान गर्ने र उत्कृष्ण सवारी चालक एक जनालाई पनि सम्मान गरिएको थिायो ।
कार्यक्रममा सुरक्षा निकायका प्रमुखहरु, सुर्खेतका प्रमुख जिल्ला अधिकारी, राजनीतिक दलका प्रमुख तथा प्रतिनिधीहरु र अन्न विभिन्न संघसंस्थाका प्रमुख तथा प्रतिनिधीहरुको सहभागिता रहेको थियो ।
