महिला जेसिजद्वारा पुस्तकालय सञ्चालन
घोराही, २० असोज
पढ्ने बानीको विकास गर्नका लागि दाङ महिला जेसिजले पुस्तकालय सञ्चालन गरिएको छ । महिला जेसिजले सांसद अनिता देवकोटाको सांसद विकास कोषको सहयोगमा पुस्तकालय सञ्चालनमा ल्याएको हो । पुस्तकालयको आज उद्घाटन गरिएको छ ।
दाङ महिला जेसिजका अध्यक्ष सञ्चीता गौतमको अध्यक्षता तथा सांसद अनिता देवकोटाको प्रमुख आतिथ्यतामा पुस्तकालयको उद्घाटन गरिएको थियो ।
देवकोटाले रिवन काटेर पुस्तकालयको उद्घाटन गर्नुभएको थियो । पुस्तकालय सञ्चालनका लागि विभिन्न ब्यक्तिहरुले पुस्तक प्रदान गरेको समेत जानकारी गराइएको थियो ।
हप्तामा तीन दिन खुल्ने पुस्तकालयमा विभिन्न पुस्तकहरुको ब्यबस्था गरिएको छ । पुस्तकालयमा अध्ययन गर्नका लागि सबैलाई खुला हुने पनि कार्यक्रममा जानकारी गराइएको थियो ।
कार्यक्रम संयोजक सिता पाण्डेको स्वागत मन्तब्यबाट सुरु भएको कार्यक्रममा सामुदायिक बन उपभोक्ता महासंघका केन्द्रीय उपाध्यक्ष भिमप्रकाश खड्का, जिल्ला अध्यक्ष शोभाखर सापकोटा, नेपाल पत्रकार महासंघका उपाध्यक्ष लक्ष्मी आचार्य, तुलसीपुर नगर जेसिजका अध्यक्ष सुर्यप्रकाश शर्मा, पुर्व अध्यक्ष विन्दु कवर, हरप्लेसका कार्यक्रम संयोजक विनोद केसी, त्रिभुव नगर जेसिजका अध्यक्ष रवि उल्ला खान, किशोरचन्द्र गौतम, निर्मला गौतमलगायतकाले बोल्नुभएको थियो । कार्यक्रमको सहजीकरण महासचिव रेखा शर्माले गर्नुभएको थियो ।