डोजरे विकास रोक

गत वर्ष कार्तिक पहिलो साता भएको बेमौसमी वर्षासँगै आएको बाढीपहिरोले जुम्लाको मार्सी धान र दर्जनौ विद्युत् गृहलगायतका क्षेत्रमा ठूलो क्षति भयो । कालिकोटको नरहरिनाथ गाउँपालिका–८ र ९ मा बिहिबार आएको वर्षाले पुरै गाउँको पुछारमा पहिलो गयो । त्यो गाउँका करिब ४ हजार घरधुरी जोखिममा परेका छन् । यसरी वर्षासँगै आउने बाढीपहिरोले क्षति गराउने विभिन्न कारणमध्ये पहिलो डोजरे विकासलाई लिइएको छ । स्थानीय सरकार सञ्चालनपछि डोजरे विकासलाई दिएको प्राथमिकताले प्राकृतिक सौन्दर्यता बिग्रिनुका साथै विनाश निम्त्याएको छ ।
कर्णालीका सबै तहले विकासको नाममा सडक निर्माण गरेका छन् । भिरालो जमिन भएको ठाउँमा वडा–वडामा सडक पु¥याउने होडबाजी नै चलेको छ । तर, अधिकांश सडक वातावरणीय प्रभाव मूल्यांकनबिनै निर्माण भएका छन् । सामान्य वर्षा हुनेबित्तिकै बाढीपहिरो आउने प्रमुख कारणमध्ये डोजरे विकास एक हो । वातावरण संरक्षणका लागि जलवायु परिवर्तन, वन विनाशलगायतका कारणमध्ये डोजरे विकास मुख्य चुनौती हो । पूर्वाधार विकासमा डोजर प्रयोग गर्नु हुन्न भन्ने होइन । तर, वातावरणीय प्रभाव मूल्यांकनबिना डोजर प्रयोगमा रोक लगाइनुपर्छ ।