आगोमा पोलिएर गम्भिर घाईतेलाई प्रधानमन्त्रीको आदेशमा काठमाण्डु लगियो

भदौ २१ जाजरकोट । सोमवार भेरीमालिका नगरपालिका ४ शान्ति चौतारमा लोकेन्द्र शाहीको घरमा रहेको संगिता होटलमा आगालागी हुँदा घाईते भएका चार जनाको उद्धार गरिएको छ ।

आगलागीवाट जलेर गम्भिर घाईते भएका चार जनालाई नेकपा माओवादी केन्द्र जाजरकोटका ईन्चार्ज गणेसप्रसाद सिंहको पहल र प्रधानमनत्री पुष्पकमल दाहाल प्रचण्डको ठाडो आदेशमा नेपालगन्जवाट सेनाको हेलिक्पटरमा उद्धार गरी काठमाण्डु पुर्याएको छ । घाईतेको उद्धार गर्दा लागेको खर्च प्रधानमन्त्री कार्यालयले तिर्ने प्रधानमन्त्रीका जनसम्पर्क सल्लाहकार रामदिप आचार्यले जानकारी दिनुभयो ।

आगलागीवाट कार्कीगाँउ ६ घर भई सोही घरमा होटल गरी बस्ने वर्ष ४५ को मानसिहं खत्री , भेरी मालिका नगरपालिका ४ बस्ने बर्ष १८ को गोकर्ण चन्द, रुकुम चौरजहारी ७ बस्ने बर्ष २३ को प्रेम बहादुर राना र ई.प्र.का. गर्खाकोट दरबन्दी भई हाल जि.प्र.का. जाजरकोटमा कार्यरत प्र.ज. रमेश शाह लाई काठमाण्डु लिईएको हो । आगोमा जलेर एक जनाका हिजो नै ज्यान गईसकको छ ।