व्यवस्थीत बसोबास गराउन लाग्छु : सिह
सुर्खेत, फाल्गुन १६ । जिल्ला बसोवास व्यवस्थापन समिति सुर्खेतले जिल्लामा रहेका भूमिहिन र अव्यवस्थित वस्तीहरुलाई व्यवस्थित तरिकाले बसोबास गराउने जनाएको छ । समितिले सरकारी, सार्वजनिक, गुठी तथा वन क्षेत्रको जग्गामा हुने अतिक्रमणलाई रोक्ने उद्देश्यका साथ सबै सरोकारवाला निकाय सँग समन्वय गरेर काम गर्ने जिल्ला बसोवास व्यवस्थापन समिति सुर्खेतका अध्यक्ष रामबहादुर सिंहले बताए ।
समितिले वीरेन्द्रनगरमा आयोजना गरेको पत्रकार सम्मेलनमा अध्यक्ष सिंहले संविधानमा व्यवस्था भए अनुसार भूमिहिनलाई आवासको प्रत्याभूती हुने गरी काम गर्ने प्रतिबद्धता जनाए । उनँले भूमीहिनलाई जग्गा उपयोग गर्न मिल्ने गरि अतिक्रमित सडक, अव्यवस्थित वसोबास, अतिक्रमित कृषि जग्गालाई व्यवस्थित गर्ने गरी काम गर्ने भन्दै यसका लागि जिल्लास्थित, राजनीतिक दल, समितिका सदस्यहरु, सारेकारवाला सबैको साथ र सहयोगको आवश्यकता रहेको औल्याए ।
अहिले समितिको कार्यालयमा कर्मचारी अभाव भएपनि पुर्तिका लागि सम्बन्धीत निकायसँग छलफल गरेर नागरिकलाई सेवा दिन आफु प्रतिवद्ध भएर लाग्ने अध्यक्ष सिंहको भनाई छ ।
