प्रिमियरमा इत्राम र शिवविहार ‘ए’ विजय
सुर्खेत, असोज १९ ।
यहाँको वीरेन्द्रनगरमा जारी मध्यपश्चिम प्रिमियर लिग क्रिकेटको मंगलबार भएकोे खेलमा ईत्राम क्लव र आयोजक शिवविहार ‘ए’ बिजयी भएका छन ।
पहिलो खेलमा ईत्रामले नेवारेलाई २९ रनले पराजित गरेको हो । कालुङचोक मैदानमा पहिले व्याटिङ गरेको इत्रामले १ सय १२ रन बनाएको थियो ।
१ सय १३ रनको लक्ष्य पछयाएको नेवारे मात्र ८३ रनमा अलआउट भयो । पहिलो खेलको म्यान अफ दि म्याच ईत्राम क्लवका रबिन्द्र शाही घोषित भए ।
यस्तै दोस्रो खेलमा आयोजक शिवविहार ‘ए’ ले चाँदनीचोक क्लब घुस्रालाई १ सय ७ रनको फराकिलो अन्तरले पराजित गरेको छ । टस जितेर पहिले व्याटिङ गरेको शिवविहार ‘ए’ ले १ सय ५३ रनको लक्ष्य प्रस्तुत गरेको थियो ।
१ सय ५४ रनको लक्ष्य पछयाएर जवाफी व्याटिङ गरेको चाँदनी क्लब मात्र ४६ रनमै अलआउट भयो ।
दोस्रो खेलमा शिवविहार ‘ए’ का सागर लम्साल म्यान अफ दि म्याच घोषित भए ।
प्रतियोगितामा आज (बुधबार) बिहान मूलपानी युवा क्लब र नेवारे क्लब भिडदैछन । दिउँसो हुने खेलमा आयोजक शिवविहार ‘ए’ र ढोडेखाली युवा क्लबबीचमा प्रतिस्प्रर्धा हुने आयोजक टिमका कप्तान सुशिल खत्रीले जानकारी दिए ।
