छुवाछुत ऐन कार्यान्वयनमा जोड दिने

सुर्खेत, असोज १९ ।
जातीय भेदभाव तथा छुवाछुत कसुर र सजाय ऐन २०६८ कार्यान्वयनका लागि सबैलाई आग्रह गरिएको छ ।
जातीय भेदभाव तथा छुवाछुत अन्त्य सम्बन्धी जिल्ला समन्वय समितिको पहिलो बैठकले यस्तो आग्रह गरेको छ ।

मंगलबार यहाँका प्रमुख जिल्ला अधिकारी राजकुमार श्रेष्ठको अध्यक्षतामा बसेको बैठकले ऐन कार्यान्वयनका लागि सरकारी तथा गैरसरकारी कार्यालयहरुले आआफ्नो क्षेत्रबाट लाग्न आग्रह गरेको हो ।

साथै बैठकमा अहिलेसम्म भएका गतिविधीहरुको समिक्षा गर्नुका साथै कार्यालयमा यस कार्यमा भएका गतिविधीहरुको समिक्षा र भावी योजना समेत तयार गरिएको छ ।

बैठकमा जिल्ला शिक्षा कार्यालय, जिल्ला प्रहरी कार्यालय, सरकारी बकिल कार्यालय, जिल्ला विकास समितिको कार्यालय, जिल्ला स्वास्थ्इ कार्यालय, महिला विकास कार्यालय, जिल्ला बार एसोशियसन, साझा मञ्च सुर्खेत, दलित महिला संघका प्रमुखहरुको सहभागिता रहेको थियो ।