जुवाडे प्रहरीको निगरानीमा
सुर्खेत, असोज १४ । दशै–तिहार लगायतका चाडपर्वहरु नजिकिएपछि प्रहरीले शान्ति सुरक्षाका लागि सुरक्षा रणनीति बनाएको छ । साथै रणनीति संगै साविकको भेरी अञ्चलमा रहेको जिल्लाका जुवाडेहरुलाई प्रहरीले निगरानीमा राखेको जनाएको छ ।
अञ्चल प्रहरी कार्यालय भेरीका एसएसपी धिरु बस्नेतले भेरी अञ्चलमा पर्ने जिल्लाहरुको आफूले निरीक्षण गरेको र ती जिल्लाहरुका जुवाडेहरुलाई निगरानिमा राखिएको बताए । साथै एसएसपी बस्न्यातले आफू मातहतका जिल्लाहरुका प्रहरी प्रमुखलाई शान्ति सुरक्षा कायम गर्न र जुवातास नियन्त्रण गर्न निर्देशन दिएका छन् ।
सुर्खेत जिल्लाको निरक्षणका अवसरमा वीरेन्द्रनगर आइपुगको बस्न्यातले पत्रकारहरुसंग कुरा गर्दै शान्ति सुरक्षा कायम गर्न आफूले पाँचै जिल्लाका प्रमुखहरुलाई निर्देशन दिएको बताए ।
