समिक्षा मृत्यु प्रकरण बारे जिल्ला शिक्षाको विज्ञप्ति, बालबालिकालाई प्रयोग नगर्न निर्देश
सुर्खेत, मंसिर । जिल्ला शिक्षा अधिकारी शाह सुर्खेतमा सञ्चालित कर्णाली एक्सपो–२०१६ को उद्घाटन अघि निकालिएको ¥यालीमा सहभागी बालिकाको मृत्युबारे विस्तृत अनुसन्धान भइरहेको जनाएको छ ।
¥यालीमा सहभागि समीक्षा आचार्यको विहीवार मृत्यु भएको थियो । कार्यालयले विज्ञप्तिमार्फत उक्त घटनाको सत्य तथ्य पत्ता लगाउन अनुसन्धान गरिरहेको जनाएको छ । अनुसन्धानपछि भेटिएको वस्तुगत तथ्यका आधारमा आवश्यक कारवाही प्रक्रिया अघि बढाइने कार्यालयले जनाएको छ ।
जिल्ला शिक्षा अधिकारी जीतबहादुर शाहद्धारा हस्ताक्षरित विज्ञप्तिमा भनिएको छ,–‘घटनाको बारेमा सत्य तथ्य बुझ्ने काममा मानवअधिकार आयोग र जिल्ला शिक्षा कार्यालय सुर्खेत समेत लागिरहेको छ, र अनुसन्धानबाट भेटिएको वस्तुगत तथ्यका आधारमा आवश्यक कामकारवाही अघि बढाइने छ ।’
साथै बालबालिकाहरुलाई विद्यालयबाहिरका गतिविधिमा संलग्न नगराउन समेत कार्यालयले आग्रह गरेको छ । विद्यालय बाहिरका गतिविधिमा विद्यार्थीलाई संलग्न गराउनुभन्दा अगाडि जिल्ला शिक्षा कार्यालय अथवा अन्य सम्बन्धित निकायसँग अनुमति लिन समेत कार्यालयले सबैलाई आग्रह गरेको छ ।
