प्राज्ञिक गतिविधिमा सहकार्य गर्न सकिने
सुर्खेत, मध्यपश्चिमाञ्चल विश्वविद्यालय,सुर्खेतको निमन्त्रणामा सुर्खेतमा आएकी मित्रराष्ट्र बंगलादेशका राजदुत मस्फी बिन्ते सामसले प्राज्ञिक गतिविधिमा सहकार्य गर्न सकिने बताएकिछन् ।
विश्वविद्यालयको केन्द्रीय क्याम्पसमा आयोजित कार्यक्रममा नेपाल बंगलादेशको द्विपक्षीय सम्बन्ध र हितका विविध पक्षमा मुख्य मन्तव्य राख्दै उनले नेपाल र बंगलादेश विच धेरै कुरामा समानता भएको र विकासका प्रचुर सम्भावनामा सहकार्य गर्न सकिने धारणा व्यक्त गरिन । उक्त अवसरमा मध्यपश्चिमाञ्चल विश्वविद्यालय रहेको सुर्खेतमा पर्यटन, प्राकृतिक, शैक्षिक प्राज्ञिक गतिविधिमा सहकार्य गर्न दुई देशमा रहेका विश्वविद्यालयहरूसंगको सम्बन्ध विकास गर्न सकिने सम्भावना औल्याइन ।
विश्वविद्यालयले विहिवार नै आयोजना गरेको एक अन्तरक्रिया कार्यक्रममा जिल्ला स्थित राजनीतिक दल, सरकारी एवम् गैर सरकारी संघरसंस्था, नागरिक समाजका अगुवा हरूले पनि राजदुत सामस समक्ष नेपाल बंगलादेशका बिबिध पक्षमा जिज्ञासा र राय सुझावहरु प्रदान गरिएको थियो ।
