अस्पतालका बिरामीलाई फलफूल वितरण
सल्यान । संविधान दिवसको अवसरमा सल्यान अस्पतालका बिरामीलाई फलफूल वितरण गरिएको छ । नेकपा माओवादी केन्द्र शारदा नगरपालिका कमिटीले बुधबार सल्यान अस्पतालमा उपचाररत बिरामीलाई फलफूल वितरण गरेको हो ।
फलफूल वितरण कार्यक्रममा नेकपा माओवादी केन्द्रका केन्द्रिय सदस्य शारदा नगरपालिका इन्चार्ज गणेश प्रसाद सिंह, नेकपा माओवादी केन्द्रका शारदा नगर कमिटी अध्यक्ष नविन भडेल लगायतको सहभागितामा अस्पतालमा रहेका बिरामीलाई फलफुल वितरण गरिएको हो ।
फलफुल वितरण कार्यक्रममा बोल्दै नेकपा माओवादी केन्द्रका केन्द्रिय सदस्य सिंहले नेपाली जनताको त्याग र तपस्या पछि आएको संबिधानलाई सबैले आत्मासाथ गर्दै जनआकांक्षा सम्बोधन गर्ने दिशामा संविधान सफल सिद्ध हुने विश्वास व्यक्त गर्नुभयो । जनताद्धारा निर्देशित संबिधान भएकाले अहिले नागरिकले हक अधिकार पाएको बताउदै उहाँले जातिय सत्तामा समेत सहभागि हुन पाएको बताउनुभयो ।
यसैबिच नेकपा माओवादी केन्द्र शारदा नगरकमिटिले खलंगा स्थित ठुलीधारा सरसफाई गरेको छ । तिन महिने पार्टीको कार्यक्रम अन्तर्गत ठुलीधारा सरसफाई गरेको हो । घरघरमा माओवादी जन जनमा माओवादी बिशेष अभियान अन्र्तग सयौ बर्ष पुरानो धारा अहिले हराउदै जान थालेको र संरक्षण गर्ने उदेश्यले सरसरफाई गरिएको शारदा नगर इन्चार्ज गणेश प्रसाद सिंहले बताउनुभयो ।
अभियान अन्तर्गत शारदा नगरपालिकाका सबै वडामा जनता सँग भेटघाटका साथै जनता सँगै श्रमदान गर्ने उहाँले बताउनुभयो । अभियानमा गाउँसमाजलाई नयाँ बनाउन सरसफाई गर्न, रुपान्तरण हुन, सुद्धिकरण हुन र परिवर्तनमा साथ दिन सबैमा इन्चार्ज सिंहले अपिल गर्नुभयो ।
