टिपर दुर्घटना हुँदा चालकको मृत्यु

सुर्खेत : सुर्खेतमा टिपर दुर्घटना हुँदा चालकको मृत्यु भएको छ । सुर्खेतको वीरेन्द्रनगर नगरपालिका– १ को तारेभीर नजिकै टिपर दुर्घटना हुँदा चालकको मृत्यु भएको हो ।
ल्याण्डफिल साइट जाने सडक निर्माणको क्रममा ढुंगा बोकेर जाँदै गरेको टिपर पल्टिँदा वीरेन्द्रनगर नगरपालिका –२ निवासी चालक ३२ वर्षीय उमेश विकको मृत्यु भएको जिल्ला प्रहरी कार्यालय सुर्खेतले जनाएको छ ।
भे १ ख २२०५ नम्बरको टिपर आइतबार दिउँसो सडक किनारामै पल्टिएको जिल्ला प्रहरी कार्यालय सुर्खेतका डिएसपी लक्ष्मण शाहीले बताए ।