विपद् प्रतिरोधको लागि एकजुट हुन आवश्यक
सुर्खेत । विपद् प्रतिरोधको लागि सरकारी क्षेत्र अन्य संघ संस्थाहरु एकजुट हुन आवश्यक रहेको सरोकारवालाहरुले बताएका छन् । ‘विपद् जोखिम न्यूनीकरणममैत्री सुशासन, सुरक्षित भविष्यको लागि हाम्रो अभियान’ अन्तर्गत सरोकारवालाहरु बिच भएको संवाद कार्यक्रममा सहभागिहरुले यस्तो बताएका हुन ।
कार्यक्रममा वीरेन्द्रनगर नगरपालिकाका प्रमुख देवकुमार सुवेदीले सरकारी क्षेत्र अन्य संघसंस्थाहरुले आफु संग भएका स्रोत साधनको सहि सदुपयोग गरेर तयारी अवस्थामा रहनुपर्ने बताए । सबैको साझा प¥यासबाट मात्रै विपद्लाई न्यूनिकरण गर्न सकिने भन्दै उनले सरकारी क्षेत्रबाट मात्रै नभएर आम नागरिक, नागरिक समाजले पनि आफुलाई त्यसमा अव्यस्त गराउनुपर्ने बताए ।
वीरेन्द्रनगरमा २०७१ सालको बाढी पछि विपद् व्यवस्थापनको लागि थुप्रै कामहरु सुरु भएको भन्दै उनले स्थानीय सरकार बने पछि प्रदेश सरकार तथा अन्य विभिन्न संघसंस्थाहरु संगको सहकार्यमा थप कार्यहरु अघि सारिएको बताए ।
‘हामीले जिल्ला विपद् व्यवस्थापन समिति संग छलफल गरेर आवश्यक सहकार्यका कामहरु गरिरहेका छाँै,’ उनले भने, ‘नगर र वडा तहका विपद् व्यवस्थापन कोष निर्माण गरेका छाँै । नगर विपद् व्यवस्थापन पूर्व तयारी रणनीति तयार गरेर अघि बढाएका छौँ ।’
कार्यक्रममा सुर्खेतका सहायक प्रमुख जिल्ला अधिकारी रोमबहादुर महतले प्रशासनले सबै स्थानीय तह संगको सहकार्यमा आपतकालिन कार्य सञ्चालन केन्द्रको सुरुवात गर्न लागेको बताए । साथै उनले विपद् व्यवस्थापनको लागि सबै क्षेत्रहरु एक हुनुको विकल्प नरहेको समेत बताए ।
जिल्ला प्रहरी कार्यालय सुर्खेतका प्रमुख राजेन्द्र भट्टले प्रहरीले विभिन्न क्षेत्र संगको सहकार्यमा विपद् व्यवस्थापको काममा लागिरहेको बताए । विपद् प्रतिकार्यका लागि जिल्ला प्रहरी कार्यालयबाट २५ जना सुरक्षाकर्मीको टोली र ईलाका प्रहरी कार्यालयबाट १०, १० जनाको टोली सधै तयारी अवस्थामा रहको उनको भनाई छ ।
यस्तै कार्यक्रममा नेपाल रेडक्रस सुर्खेतका सभापति रामलाल आचार्य, शशस्त्र प्रहरी नायव उपरिक्षक करण सिंह धामी, नेपाल पत्रकार महासंघ सुर्खेतका अध्यक्ष गशेण कञ्चन भारती लगायतले पनि विपद् व्यवस्थापनको लागि सबै क्षेत्र एकजुट हुनुपर्नेमा जोड दिएका थिए ।
अन्तराष्ट्रिय प्राकृतिक प्रकोप नियन्त्रण दिवसको अवसरमा यूएसएआईडी तयार नेपाल, विपद् जोखिम व्यवस्थापन परीयोजना, नेपाल रेडक्रस सोसाईटि शहरी विपद् जोखिम व्यवस्थापन परीयोजना र वीरेन्द्रनगर नगरपालिका सुर्खेतले संयुक्त रुपमा कार्यक्रमको आयोजना गरेका थिए ।
