कर्णालीको आगामी आर्थिक वर्षको नीति तथा कार्यक्रम आज

सुर्खेत । कर्णाली प्रदेश सरकारले आगामी आर्थिक वर्ष २०७७/०७८ को नीति तथा कार्यक्रम आज सार्बजनिक गर्ने भएको छ।
कर्णाली प्रदेशसभाको बैठक दिउँसो ३ बजे बोलाइएको छ। जसमा र प्रदेश प्रमुख गोविन्दप्रसाद कलौनीले प्रदेशसभामा आर्थिक वर्ष २०७७/७८ को नीति तथा कार्यक्रम प्रस्तुत गर्नुहुनेछ ।

कर्णाली प्रदेश सरकारले आगामी असार १ गते करिब ३३ अर्ब रुपैयाँ हाराहारीको बजेट ल्याउने तयारी गरेको आर्थिक मामिला तथा योजनामन्त्री प्रकाश ज्वालाले जानकारी दिए। उनका अनुसार अघिल्लो आर्थिक वर्षको बजेटभन्दा यो आर्थिक वर्षको बजेटको आकार घट्नेछ । अघिल्लो बर्ष कर्णाली प्रदेश सरकारले ३४ अर्ब ३५ करोडको बजेट ल्याएको थियो ।