उत्तरदायी शिक्षा आजको आवश्यकता : शिक्षा मन्त्री पौडेल
सुर्खेत। शिक्षा मन्त्री धनिराम पौडेलले उत्तरदायी सार्वजनिक शिक्षा आजको आवश्यकता भएको बतबाएका छन । मप विश्वविदालय र चीनको चेउच्याङ बिश्वविद्यालयबीच समझादारी पत्रमा हस्ताक्षर गर्न आयोजना गरिएको कार्यक्रममा सहभागी हुने सुर्खेतका आएका मन्त्री पौडेलले जिल्ला शिक्षा कार्यालय सुर्खेतमा पुगी यस्तो बताएका हुन् ।
जिल्ला शिक्षा कार्यालय सुर्खेतले आयोजना गरेको स्वागत कार्यक्रममा बोल्दै मन्त्री पौडेलले शिक्षालाई निरन्तर र सिकाई उपलब्धी बढाउन निर्देशन दिए । उनले अहिले सिकाई उपलब्धी बढाउने प्रतिस्पर्धा गर्नुपर्ने बेला आएको भन्दै सबै जिम्मेजार भएर लाग्नुपर्ने बताए । सार्वजनिक शिक्षालाई गुणस्तरीय बनाउनका लागि सबै उत्तरदायी बन्नुपर्ने र उत्तरदायी शिक्षाले मात्रै बालबालिकाहरुको पनि विकास हुने बताए । ‘‘आजको आवश्यकता सार्वजनिक उत्तरदायी शिक्षा को,’ उनले भने–‘त्यसप्रति तपाईहरु सबै जिम्मेवार हुनु नरुरी छ ।’’
स्वागत कार्यक्रममा जिल्ला शिक्षा अधिकारी जीतबहादुर शाहले जिल्लाको समग्र शैक्षिक अवस्था, चुनौती, सम्भावनाहरुसंग सुझावहरु पेस गरेका थिए । जिल्ला शिक्षा अधिकारी शाहले केही कुराहरु नीतिगत रुपमै परिवर्तन भए आफूहरुलाई काम गर्न सहज हुने भएकोले परिवर्तन गर्न आग्रह गरेका थिए ।
स्वागत कार्यक्रममा क्षेत्रीय शिक्षा निर्देशक रामप्रसाद उपाध्याय, जिल्ला शिक्षा कार्यालयका कर्मचारीहरु, शिक्षकहरु लगायतको उपस्थिति रहेको थियो ।
