एकीकृत अखिल नेपाल शिक्षक संगठन जुम्लाको अध्यक्षमा धिताल
जुम्ला : एकीकृत अखिल नेपाल शिक्षक संगठन जुम्लाको अध्यक्षमा जयशंकर धिताल चयन भएका छन्। नेकपा माओवादी केन्द्रनिकट शिक्षक संगठन जुम्लाको अध्यक्षमा जयशंकर धिताल सर्वसम्मत चयन भएका हुन्।
जुम्लाको सदरमुकाममा खलंगामा आयोजित चौथो जिल्ला अधिवेशनले आइतबार आफ्नो नेतृत्वमा नयाँ कार्यसमिति चयन गरेको नवनिर्वाचित अध्यक्ष जयशंकर धितालले बताए। उनका अनुसार ३ वर्षे कार्यकालका लागि १७ सदस्यीय नयाँ कार्यसमिति चयन भएको हो।
त्यस्तै समितिको उपाध्यक्षमा कर्णबहादुर खत्री, सचिवमा भीमबहादुर विक, कोषाध्यक्षमा सविना शाही चयन भएका छन्। सदस्यमा मिना गुरुङलगायत सर्वसम्मत निर्वाचित भएका छन्।
