दशैं तिहारको शुभकामना आदानप्रदान
सुर्खेत – अन्तराष्ट्रिय सम्बन्ध तथा कुटनीति विभाग मध्यपश्चिमाञ्चल विश्वविद्यालय सुर्खेतले आफ्नै कार्यालयमा दशैं तथा दीपावलीको शुभकामना आदानप्रदान कार्यक्रम गरेको छ ।
कार्यक्रममा मध्यपश्चिमाञ्चल विश्वविद्यालयका पदाधिकारी, विद्यार्थी, शिक्षक, कर्मचारी, जिल्लाका राजनीतिक दलहरुको, विभिन्न संघसंस्थाको प्रतिनिधिहरु ल्गायतको उपस्थिति रहेको थियो । अन्तराष्ट्रिय सम्बन्ध तथा कुटनीति विभागका विभागीय प्रमुख तेज विक्रम बस्नेतको अध्यक्षता तथा मध्यपश्चिमाञ्चल विश्वविद्यालयका उपकुलपति प्रा.डा.उपेन्द्रकुमार कोइरालाको प्रमुख आतित्यतामा कार्यक्रम भएको हो ।
कार्यक्रममा सहभागीहरुले दशैं तथा दीपावलीको अवसरमा नेपाली–नेपालीबीच सदैव आपसी सदभाव, सम्पूर्ण नेपालीहरुको सुख समृद्धिको कामनासहित शुभकामना आदानप्रदान गरेका थिए । कार्यक्रममा उपकुलपति प्रा.डा. उपेन्द्रकुमार कोइरालाको कार्यकाल एक बर्ष पुगेको उपलक्ष्यमा शुभकामना व्यक्त गर्दैसाथ दिई कसरी छिट्टो भन्दा छिट्टो विश्वविद्यालय झेल्दै आएका समस्याहरु समाधान गर्न सकिन्छ त्यो बारेमा डटेर लाग्ने बेला आएको विचार सहभागीहरुले व्यक्त गरेका थिए ।
कार्यक्रमका प्रमुख अतिथि मध्यपश्चिमान्चल विश्वविद्यालयका उपकुलपति प्रा.डा.उपेन्द्रकुमार कोइरालाले सम्पूर्ण देश विदेशमा रहनु भएका नेपालीलाई विजया दशमी तथा शुभ(दीपावलीको शुभकामना व्यक्त गर्दै सम्पूर्ण नेपालीको सुख समृद्धि र प्रगतिको कामना गरेका थिए । कार्यक्रममा रजिस्ट्रार डा. महेन्द्रकुमार मल्ल, डीन खोपिराम लम्साल, ई. अनन्त राज घिमिरे, राजनीतिक दलहरुको प्रतिनिधीहरु, विश्वविद्यालय पुनरावेदन आयोगका अध्यक्ष अधिवक्ता भुषनकुमार श्रेष्ठ लगायतले आफ्नो भनाई राखेका थिए ।
