‘कर्णालीको भावना नेतृत्वले बुझेन’

सुर्खेत ।
नेपाल कम्युनिष्ट पार्टी नेकपाको कर्णाली प्रदेश स्तरीय भेला तथा प्रशिक्षणमा कर्णालीको भावना अहिले पनि केन्द्रले बुझ्न नसकेको गुनासो गरेका छन् । सुर्खेतमा भएको सत्तारुढ दल नेकपाको कर्णाली प्रदेश स्तरिय भेला तथा प्रशिक्षणका क्रममा रिपोर्टिङ गर्ने नेता कार्यकर्ताले नेकपाको सरकार र पार्टीले पनि कर्णालीको भावना र मर्म बुझ्न नसकेको भन्दै गुनासो गरेका छन् ।
नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्ड, बरिष्ट नेता तथा पूर्व प्रधानमन्त्री माधव कुमार नेपाल र महासचिव विष्णु पौडेल सहभागी भएको भेला तथा प्रशिक्षण कार्यक्रममा रिपोर्टीङ गर्ने प्रदेशका दशै जिल्लाका पार्टी अध्यक्ष, कर्णाली प्रदेशका अध्यक्ष, ईन्चार्ज तथा सह ईन्चार्जले कर्णालीले अहिले पनि पार्टी केन्द्र र संघिय सरकारबाट अपेक्षा अनुसार सहयोग र अधिकार नपाएको बताएका हुन् ।
भेलामा सहभागी एक प्रदेशस्तरीय नेताका अनुसार रिपोर्टीङ गर्ने क्रममा जिल्ला अध्यक्ष लगायत प्रदेशका पदाधीकारीले कर्णालीमा आवश्यक दक्ष जनशक्ति र त्याग गरेका पात्र हुदा हुदै पनि कर्णाली बाहिरका मान्छेलाई कर्णालीमा पठाउने काम गरेको गुनासो गरेका छन् । प्रदेश प्रमुख अर्को प्रदेशबाट आएको तर्फ इंगित गर्दै प्रदेशका नेताहरुले कर्णालीलाई अहिले पनि उपेक्षा गरिनु सहि नभएको जनाए ।
ती नेताका अनुसार यस्तै जिल्ला अध्यक्षहरुले नेकपाको नेतृत्वमा रहेको सरकारका काम पनि उत्साह जनक नभएको भन्दै सरकारको आलोचना गरेका छन् । सरकारमा गएकारुले जनादेश अनुसार जनदिशा लागु नभएको भन्दै काम गर्न सरकारलाई केले रोकेको छ भनेर प्रश्न समेत गरेका छन् ।
उनीहरुले पार्टीले दुःख गरेका र भूगोलको कार्यक्षेत्रमा खटिएका नेता कार्यकर्तालाई वास्ता नगरेको, अवसर नदिएको तथा नेताको आसेपासे नजिकका लाई मात्र अवसर दिएको भन्दै गुनासो समेत गरेका छन् ।
प्रदेश सरकारका मुख्यमन्त्री महेन्द्र बहादुर शाहीले नयाँ संरचना तथा नयाँ अभ्यास र कर्मचारी अभावका विचमा काम गर्नु परेको भन्दै सघले अधिकार दिन कञ्जुस्याँई गरेकको बताए । संघिय सरकारले अधिकार नदिदा र स्रोतको बाँडफाँड नहुदा प्रदेशलाई काम गर्न समस्या भएको मुख्यमन्त्री शाहीले बताए । नेकपाका महासचिव विष्णु पौडेलले पार्टी भित्रका असन्तुष्टि मिलाएर जाने बताए । ‘हामी बीचमा पार्टी एकतापश्चात असन्तुष्टि पनि छ तर हामी त्यो असन्तुष्टिलाई मिलाएर लैजान्छौं । पार्टी एकता प्रक्रिया वडा तहमै हामी सम्पन्न गर्छौं ।’ उनले भने, ‘पार्टी र सरकारबीचको कामको प्रक्रिया बारे केहि अलमल छन् ती सबै मिलाएर हाी लैजान्छौं ।’असन्तुष्टि मलिाएर जान्छौं । सरकार र पार्टी बीच
चैत, बैशाख जेठमा तीन महिने अभियान, गाउँ वडा पालिका तहमै गएर अभियान सुरुचारु गर्ने, पार्टी एकतामा गति लिन्छ ।