आन्तरिक मामिला तथा कानुन मन्त्रालयद्धारा प्रहरीलाई गाडी
सुर्खेत । आन्तरिक मामिला तथा कानुन मन्त्राल कर्णाली प्रदेशले कर्णाली प्रदेश प्रहरीलाई गाडी तथा मेटल डिटेक्टर हस्तान्तरण गरेको छ । शुक्रवार एक कार्यक्रमका बिच कर्णाली प्रदेश प्रहरीलाई गाडी तथा मेटल डिटेक्टर लगायतको सामाग्री हस्तान्तरण गरिएको हो ।
हसतान्तरण कायृक्रममा कर्णाली प्रदेशका आन्तरिक मामिला तथा कानुन मन्त्री नरेश भण्डारीेको समेत सहभागिता रहेको थियो । यसअघि मन्त्रालयले पाँच वटा गाडी दिएको थियो । भने पुनः पाँचवटा गाडी, १२ थान मेटल डिटेक्टर र ७८ थान ब्याट्री कर्णाली प्रदेश प्रहरीलाई दिएको हो। प्रहरीका लागि बोलेरो क्याम्पिएर ३ थान, टाटा ट्रक १ थान र टाटा सेनोन मोडेलको गाडी १ थान प्रदान गरेको छ ।
पाँच वटा गाडी खरिदका लागि एक करोड ६२ लाख ३२ हजार, मेटल डिटेक्टरमा चार लाख ७५ हजार नौँ सय ५६ र व्याट्रीमा चार लाख ४० हजार सात सय रुपैयाँ खर्च भएको आन्तरिक मामिला तथा कानुन मन्त्रालयले जनाएको छ ।
सामाग्री हस्तान्तरण कार्यक्रममा कर्णाली प्रदेश प्रहरीका डिआईजी पुर्णचन्द्र जोशीले गाडी तथा मेटल डिटेक्टरलगायतको सामाग्रीले प्रदेशको शान्ती सुरक्षालाई थप प्रभावकारी बनाउन मद्दत पु¥याउने बताए । कर्णालीका १० जिल्लाहरुमा आवश्यक प्रहरी कार्यालयहरुमा गाडीहरु प्रयोगका लागि पठाउने उनको भनाई रहेको थियो ।
