लाटीकोइलीमा चक्कु प्रहारबाट एक घाइते
सुर्खेत : जिल्लाको वीरेन्द्रनगर नगरपालिका–९ मा चक्कु प्रहार भएको छ। मंगलबार दिउँसो तीन बजेर ४५ मिनेटको समयमा चक्कु प्रहार भएको हो। वीरेन्द्रनगर–९ लाटीकोइलीका ३८ वर्षीया उपेन्द्र शाहीले सोही ठाउँ बस्ने ३४ वर्षीया ललित गुरुङलाई चक्कु प्रहार गरेका हुन्।
स्रोतकाअनुसार उनिहरुबीच सामान्य बिबाद हुँदा उपेन्द्रले ललितको ढाँडमा चक्कु प्रहार गरि फरार रहेका छन्।
घाइतेको अवस्था सामान्य रहेको र माया नर्सिङहोममा उपचार भैरहेको स्रोतको दाबी छ। यस्तै, उक्त घटनाको अनुसन्धानका लागि प्रहरी घटनास्थलतर्फ गएको जिल्ला प्रहरी कार्यालय सुर्खेतका प्रवक्ता तथा डिएसपी सुरज कार्कीले नेपालीरैबारलाई जानकारी दिए।
