नेपाल बैंक डबल धमाका मुद्दती खाता सञ्चालनमा
काठमाडौं : नेपालको पहिलो बैंक नेपाल बैंक लिमिटेडले नेपाल बैंकले डबल धमाका मुद्दती खाता सञ्चालनमा ल्याएको छ।
व्यक्तिले यो मुद्दती खातामा लगानी गरेको रकम ६ वर्ष ४ महिना २० दिनमा दुई गुणा हुनेछ भने संस्थाको हकमा ७ वर्ष ३ महिनामा मुद्दतीको रकम दुई गुणा हुने बैंकले जनाएको छ।
त्यसैगरी रेमिट्यान्सबाट प्राप्त रकम यो मुद्दती खातामा लगानी गर्दा ६ वर्ष ११ महिना २ दिनमा दुई गुणा हुनेछ। यो मुद्दती खाता खोल्ने ग्राहकहरुले ५ लाख रुपैयाँसम्मको क्रेडिट कार्ड सुविधा लगायत अन्य आकर्षक सुविधा पनि प्राप्त गर्नेछन्।
नेपालभरका सम्पूर्ण शाखामार्फत यो मुद्दती खाता खोल्न सकिने बैंकका प्रवक्ता तथा प्रमुख प्रशासकीय अधिकृत प्रकाशकुमार अधिकारीले जानकारी दिए।
