लागूऔषध सहित दुईजना पक्राउ

सुर्खेत । लागूऔषध सहित डोल्पामा दुई जना पक्राउ परेका छन् । रुकुम पश्चिम चौरजहारी नगरपालिका–३ का रेशम मल्ल र जाजरेकाट भेरी नगरपालिका–४ का २२ वर्षीय यमराज शाहलाई प्रहरीले पक्राउ गरेको हो । डोल्पाको त्रिपुरासुन्दरी नगरपालिका–५ स्थित इलाका प्रहरी कार्यालयको चेकप्वाइन्टमा चेकजाँच गर्दा नाइट्राभेट ट्याब्लेट पत्ता नौ थान, बायोट्राम ट्याब्लेट ३२ थान र लिकुफ ट्याब्लेट पाँच थान सहित उनीहरुलाई पक्राउ गरिएको प्रहरीले जनाएको छ ।

यस विषयमा थप अनुसन्धान भइरहेको प्रहरीले जनाएको छ ।