देशभर थप आठ सय ५५ संक्रमित थपिए
काठमाडौं, ९ भदौ । पछिल्लो २४ घण्टामा देशभार थप आठ सय ५५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले सोमबार थप भएकोसमेत हालसम्म संक्रमित हुनेको संख्या ३३ हजार पाँच सय ३३ पुगेको जनाएको छ ।
यो अवधिमा ११ हजार तीन सय २७ जनाको नमुना पिसिआर विधिबाट परीक्षण गरिएको मन्त्रालयका प्रवक्ता डा. जागेश्वर गौतमले बताए ।
विगत २४ घण्टामा तीन सय १३ जना संक्रमणमुक्त भएर डिस्चार्ज भएका छन् ।
हाल १४ हजार दुई सय ५० जना संक्रमित अवस्थामा रहेको मन्त्रालयले जनाएको छ ।
