टिप्परको ठक्करबाट एकको मृत्यु, वीरेन्द्रनगर तनावग्रस्त
सुर्खेत । आज विहान टिपरको ठक्करबाट वीरेन्द्रनगरमा एक युवाको ज्यान गएको छ । मंगलबार बिहान टिपरको ठक्करबाट कालिकोट महावै गाउँपालिकाका २० वर्षीय केशर सिंहको घटनास्थलमै ज्यान गएको हो। घटना वीरेन्द्रनगरको गौतम चोक नजिक भएको प्रहरीले जनाएको छ ।
सिंहको भे १ प २१७८ नम्बरको मोटरसाइकलमा सवार उनलाई भे १ ख २२४२ नम्बरको टिपरले ठक्कर दिएको थियो । प्रहरीले ठक्कर दिने टिपर र चालकलाई नियन्त्रणमा लिइएको जनाएको छ। घटनाबारे थप अनुसन्धान भइरहेको जिल्ला प्रहरी कार्यालयले जनाएको छ। घटनापछि चालकको लापरबाहीले घटाना भएको भन्दै स्थानीयले कडा कारबाही र पीडित परिवारलाई उचित क्षतिपूर्ति दिनुपर्ने माग गर्दै गरेको स्थानियको प्रदर्शनले वीरेन्द्रनगर बजार क्षेत्र तनावपूर्ण बनेको छ।
स्थानीयले घटनाको विरोधमा सडकमा टायर बालेर प्रदर्शन जारी राखेका छन्। सवारी साधन सञ्चालनमासमेत प्रदर्शनकारीले अवरोध गरेका छन्।
