आगलागीबाट १ करोड १८ लाखको क्षति

सुर्खेत । पञ्चकोशी टायर रिसोलिङ सेन्टर वीरेन्द्रनगर–४ भैरवस्थानमा भएको आगलागीमा एक करोड १८ लाख बढिको क्षति भएको छ । असोज २० गते रातको करिव एक बजेतिर विद्युत सट हुदा उद्योगमा आगलागी भएको थियो ।

आगालागीमा परी टायर पकाउने मेसीन सहितका कच्चा पदार्थ, रिसोलिङ टायर, नयाँ टायर जलेर नष्ट नभएका थिए । आगलागीमा परी त्यहाँ रहेका सम्बन्धीत कागजातहरु समेत जलेर नष्ट भएको सञ्चालक सुरेन्द्र केसीले जानकारी दिए ।

घटना घटे लगत्तै वीरेन्द्रनगर नगरपालिका, प्रहरीको टोलीले मुछुल्का बनाएर लगेको उनको भनाई छ । व्यवसायनै जले पछि राहत स्वरुप सरकारी क्षेत्रबाट केहि सहयोगको अपेक्षा गरेको सञ्चालक केसीको भनाई छ ।