पत्रकार शर्माको उपचारार्थ सहयोग गर्न पत्रकार महासंघ सुर्खेत शाखाको आग्रह
सुर्खेत । कर्णाली प्रदेशको राजधानी सुर्खेतमा क्रियाशिल पत्रकार डिल प्रसाद शर्माको उपचारका लागि आर्थिक सहयोग गरिदिन आग्रह गरिएको छ । भारतको गुजरातमा डेढ महिनादेखि उपचार गराइरहेका शर्माको उपचारको लागि सहयोग गर्न नेपाल पत्रकार महासंघ सुर्खेत शाखाले शनिवार एक विज्ञप्ती निकालेर आग्रह गरेको हो ।
शर्मा नेपाल पत्रकार महासंघ सुर्खेत शाखाका साधारण सदस्यसमेत हुन् । शर्मा देशसञ्चार अनलाइनका कर्णाली प्रदेश प्रतिनिधि र सुर्खेतबाट प्रकाशित हुने साझा विसौनि दैनिकमा कार्यरत छन् ।
दैलेख जिल्लाको रूम घरभई हाल वीरेन्द्रनगरमा क्रियाशिल पत्रकार शर्मालाई तीन महिनादेखी बोनम्यारो रोग लागेकोले उपचारका लागि भारतिय पन्ध्र लाख रकम लाग्ने शर्माको परिवारले जनाएको छ ।
उपचारको अन्तिम विकल्प बोनम्यारो प्रत्यारोपण हो । शर्मा सिभिल हस्पिटल क्यान्सर विभाग अहमदाबादमा छन् । उनि आइतबार अस्पतालले डिस्चार्ज गरेका कारण नेपाल फर्किदै छन् ।
महासंघले पत्रकार शर्माको उपचार खर्चका लागि आर्थिक सहयोग गरिदिन सम्पूर्ण सहयोगी मनहरूलाई एउटा खाता खोलेर छिट्टै सार्वजानिक गरिने नेपाल पत्रकार महासंघ सुर्खेत शाखाका अध्यक्ष गणेशकञ्चन भारतीले जानकारी दिए ।
